Հայաստանը Սենտ-Էթիենի միջազգային դիզայնի 13-րդ բիենալեի պատվավոր հյուր

22 մայիսի, 2025

Մայիսի 22-ից հուլիսի 6-ին Սենտ-Էթիենում կայացավ Դիզայնի միջազգային 13-րդ բիենալեն, որին Հայաստանը մասնակցեց հրավիրված հյուրի կարգավիճակով:

Մայիսի 21-ին, Բիենալեի բացման պաշտոնական արարողությանը մասնակցեցին Օվերն-Ռոն-Ալպ ռեգիոնում գործող հյուպատոսները և մեծ թվով հյուրեր: Արարողությանը հրավիրված էր Սենտ-Էթիենի քույր քաղաք Կապանը, որը ներկայացնում էր համայնքի ղեկավարի առաջին տեղակալ Գոռ Թադևոսյանը: Բացման արարողությունը եզրափակվեց ֆրանսահայ Լադանիվա խմբի համերգով :

Մայիսի 22-ին, հայ դիզայներների մասնակցությամբ տեղի ունեցավ Հայաստանին նվիրված թեմատիկ օր, որի ավարտին ցուցադրվեց Նորա Մարտիրոսյանի «Եթե քամին իջնի» ֆիլմը:

Բիենալեում Հայաստանին տրամադրված 500 քմ տաղավարում ցուցահանդեսի կոմիսարներ Ժան-Ֆրանսուա Դինգջյանը, Էլոյի Շաֆայը և արվեստի պատմաբան Նաիրի Խաչատուրյանը ներկայացրեցին Հայաստանի և սփյուռքի դիզայներներ Սարգիս Անտոնյանի, Շանթ Չարոյանի, Մովսես Տեր-Գևորգյանի, Դավիթ Քոչունցի, Անուշ Ղուկասյանի, Արսեն Կարապետյանի, Նորո Խաչատրյանի, Խորեն Մաթևոսյանի, Կամո Նիգարյանի, Հռիփսիմե Սիմոնյանի, Արմինե և Աշոտ Սնխչյանների, Գայանե Սոֆոյանի, Արիգա Թորոսյանի գործերը: Մասնակցեց նաև TUMO և TUMO Studios-ը: Ցուցահանդեսը հարգանքի տուրք է մատուցում մոդեռնիստական դարաշրջանի երկու առաջատար դիզայներներ Հռիփսիմե Սիմոնյանին և Կամո Նիգարյանին, որոնց ստեղծագործությունը ազդեցություն է ունեցել բազմաթիվ ժամանակակից դիզայներների վրա։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր