Լիոնում Հայաստանի գլխավոր հյուպատոսը մասնակցեց Լիոնի Հայ-ֆրանսիական մշակութային առաջին փառատոնի բացմանը

24 մայիսի, 2025

Մայիսի 24-ին Լիոնում Հայաստանի գլխավոր հյուպատոս Նարինե Նիկոլյանը մասնակցեց և ելույթով հանդես եկավ Լիոնում առաջին անգամ կազմակերպված «Հայ-ֆրանսիական մշակութային շաբաթ» միջոցառման բացմանը:

Միջոցառումների շարքը նախաձեռնել էր Ժամանակակից արվեստի հայ-եվրոպական միությունը՝ Լիոնում Հայաստանի գլխավոր հյուպատոսության և Բյուլուկյան հիմնադրամի պատվո հովանավորությամբ և Լիոնի հայկական միությունների աջակցությամբ: Բացման արարողության հովանավորներից էր Լիոնի մետրոպոլիան:

Բացման երեկոյին ներկա էին և ելույթով հանդես եկան նաև Ռոն դեպարտամենտից ընտրված սենատոր, Ֆրանսիայի Սենատի Ֆրանսիա-Հայաստան բարեկամական խմբի նախագահ Ժիլբեր-Լյուք Դըվինազը, Լիոնի մետրոպոլիայի փոխնախագահ Հելեն Դյուվիվիեն, Լիոնի նախկին քաղաքապետ Ժորժ Կեպենեկյանը, Լիոնի 3-րդ թաղամասի քաղաքապետ Մարիոն Սեսիեքը, Բյուլուկյան հիմնադրամի նախագահ Ժան-Պիեր Կլավերանը, Ժամանակակից արվեստի հայ-եվրոպական միության նախագահ Աննի Էքմեկչեանը: Ներկա էին Լիոնի տարբեր թաղամասերի քաղաքային խորհուրդների անդամներ, Լիոնի հայկական միությունների նախագահներ և հայ համայնքի ներկայացուցիչներ:

«Հայ-ֆրանսիական մշակութային շաբաթ» փառատոնի ընթացքում, մայիսի 24-ից հունիսի 1-ը նախատեսված են պրոֆեսոր Պատրիկ Դոնաբեդյանի հայկական խաչքարերին նվիրված և պրոֆեսոր Արմեն Մութաֆյանի Երուսաղեմին և հայերին նվիրված կոնֆերանսները, ֆրանսահայ արտիստներ Հակոբ Ղասաբյանի, Լևոն Խոզյանի, Մարսելի Կերամ և Big Band Couleur Jazz անսամբլների, Հալլե Էղայան և Նաիրի պարային համույթների համերգները, Սերժ Ավեդիկյանի և Օլենա Ֆետիսովայի «Փարաջանովի սկանդալը» ֆիլմի ցուցադրությունը և ֆիլմի գլխավոր դերակատարի՝ Սերգեյ Փարաջանովին նվիրված կոնֆերանսը, գրական հանդիպումներ, հայկական գինու և խոհանոցի համտեսում և այլն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր