Լիոնում Հայաստանի գլխավոր հյուպատոսը մասնակցեց «Շանթ Դելտա Նավոյան» հիմնադրամին նվիրված երեկոյին

25 հունիսի, 2025

Հունիսի 25-ին, Հայկական բարեգործական ընդհանուր միության Լիոնի մասնաճյուղի հրավերով Լիոնում Հայաստանի գլխավոր հյուպատոս Նարինե Նիկոլյանը մասնակցեց և ելույթով հանդես եկավ «Շանթ Դելտա Նավոյան» հիմնադրամին նվիրված երեկոյին, որին ներկա էր 2020թ. 44-օրյա պատերազմի ժամանակ զոհված Հայաստանի ֆրանսիական համալսարանի ուսանող Շանթ Նավոյանի ընտանիքը:

Հունիսի 26-ին, գլխավոր հյուպատոսը մասնակցեց Նավոյան ընտանիքի հետ Օվերն-Ռոն-Ալպ ռեգիոնի նախագահ Ֆաբրիս Պանկուկի հանդիպմանը, որը Շանթ Նավոյանի և նրա ընկերների պատմությանը ծանոթացել էր հունիսի 3-ին Հայաստանում ֆրանսիական համալսարան այցի ժամանակ: Հանդիպման ընթացքում Նավոյան ընտանիքը ներկայացրեց «Շանթ Դելտա Նավոյան» հիմնադրամի ծրագրերը, որոնց ռեգիոնի նախագահը պատրաստակամություն հայտնեց աջակցել: Հանդիպմանը մասնակցել է Հայկական բարեգործական ընդհանուր միության Լիոնի մասնաճյուղի նախագահ Տաթև Սեդրակյանը:

Տեղեկացում. Հայաստանի ֆրանսիական համալսարանի ուսանող Շանթ Նավոյանը զոհվել է 2020թ. 44-օրյա պատերազմի ժամանակ: «Շանթ Դելտա Նավոյան» հիմնադրամը ստեղծել է վերջինիս ընտանիքը՝ ուսուցողական ու կրթական ծրագրեր իրականացելու, ինչպես նաև զոհված և վիրավոր տղաների երեխաներին, քույրերին և եղբայրներին աջակցելու համար։ Հիմնադրամը Հայաստանի ֆրանսիական համալսարանի ուսանողներին հատկացնում է ոսկե սերմեր կրթամրցանակ: Համալսարանը հանդիսանում է հիմնադրամի գործընկերը: 20-ամյա տղայի մահվանից հետո, Նավոյան ընտանիքը նրա նոթատետրերի, այդ թվում՝ պատերազմի ժամանակ արված գրառումները հրատարակել է «Խոսողը՝ չգիտի, իմացողը չի խոսում… » վերնագով գիրքում, որի վաճառքից գոյացած հասույթն ուղղվում է «Շանթ Դելտա Նավոյան» հիմնադրամի ծրագրերի ֆինանսավորմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր