Դեսին-Շարպիո և Ստեփանավան քույր քաղաքների համագործակցության շրջանակներում կազմակերպված համերգ

04 մայիսի, 2026

Մայիսի 4-ին Լիոնում Հայաստանի գլխավոր հյուպատոս Նարինե Նիկոլյանը և հյուպատոս Լևոն Դավթյանը ներկա են գտնվել Դեսին-Շարպիո և Ստեփանավան քույր քաղաքների համագործակցության շրջանակներում կազմակերպված համերգին, որին ելույթով հանդես են եկել Ստեփանավանի Արթուր Ղարիբյանի անվան արվեստի դպրոցի և «Անի» պարային ստուդիայի սաները: Միջոցառմանը ներկա են եղել նաև Դեսին-Շարպիոյի փոխքաղաքապետ Սիլվի Մուլենը, քաղաքային խորհրդի անդամներ և քաղաքապետարանի բարձրաստիճան պաշտոնյաներ:

Իր ողջույնի խոսքում, գլխավոր հյուպատոսը շնորհակալություն է հայտնել Դեսին-Շարպիոյի քաղաքապետ Լորանս Ֆոթրային՝ համերգի կազմակերպման և Ստեփանավանի երիտասարդներին հյուրընկալելու համար՝ շեշտելով մշակույթի դերը ժողովուրդների բարեկամության գործում: Գլխավոր հյուպատոսը խոսել է նաև Հայաստանի և Ֆրանսիայի շարունակաբար խորացող համագործակցության մասին՝ նշելով ապակենտրոնաված համագործակցության կարևորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր