Գլխավոր հյուպատոսն այցելել է Կլերմոն-Ֆերան

08 հունիսի, 2026

Հունիսի 8-ին գլխավոր հյուպատոս Նարինե Նիկոլյանն այցելել է Կլերմոն-Ֆերան, որտեղ նրան ընդունել է քաղաքապետ Ժյուլիեն Բոնին։

Հանդիպման ընթացքում խոսվել է մայիսի սկզբին Հայաստանում կազմակերպված կարևոր միջազգային միջոցառումների, մասնավորապես՝ Եվրոպական քաղաքական համայնքի գագաթնաժողովի, Հայաստան–Եվրոպական միություն գագաթնաժողովի, ինչպես նաև Ֆրանսիայի նախագահի՝ Հայաստան պետական այցի մասին։ Կողմերն անդրադարձել են նաև Ֆրանսիայի և Հայաստանի միջև ապակենտրոնացված համագործակցության շարունակական և աճող զարգացմանը։

Անդրադառնալով Օվերն-Ռոն-Ալպ ռեգիոնի և Հայաստանի միջև համագործակցությանը, ինչպես նաև ռեգիոնի և Հայաստանի համայնքների միջև ձևավորված լայնածավալ քույր քաղաքների ցանցին՝ գլխավոր հյուպատոսը վերահաստատել է Հայաստանի ցանկությունը՝ ապակենտրոնացված համագործակցության կապեր հաստատելու Կլերմոն-Ֆերան քաղաքի հետ։

Հանդիպմանը ներկա էր «Rencontres et Cultures arméniennes» միության նախագահ Կլոդին Խաչատուրյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր