Գլխավոր հյուպատոսն այցելել է Շարլի քաղաքի Կիրառական բուսաբանության ռեսուրսների կենտրոն

09 հունիսի, 2026

Հունիսի 9-ին գլխավոր հյուպատոս Նարինե Նիկոլյանը, Լիոնի մետրոպոլիայի միջազգային հարաբերությունների և զբոսաշրջության հարցերով փոխնախագահ, Շառլիի քաղաքապետ Օլիվիե Արոժոյի հրավերով, այցելել է Շառլի քաղաք։ Գլխավոր հյուպատոսն այցելել է քաղաքի Կիրառական բուսաբանության ռեսուրսների կենտրոն (CRBA)՝ իր հյուրընկալողի, ինչպես նաև Լիոնի մետրոպոլիայի գյուղատնտեսության, բնապահպանական արդյունավետության, քաղաքային բնության և պարենային ինքնիշխանության հարցերով փոխնախագահ, Կալյուիր-է-Կյուիրի քաղաքապետ Բաստիեն Ժուենի, Լիոնի մետրոպոլիայի միջազգային համագործակցության տնօրինության ներկայացուցիչների և կենտրոնի վարչական ու գիտական պատասխանատուների ուղեկցությամբ։

Շնորհակալություն հայտնելով հրավերի, ինչպես նաև Հայաստանի հետ համագործակցություն հաստատելու հարցում CRBA-ի հետաքրքրության համար՝ գլխավոր հյուպատոսն իր լիակատար աջակցությունն է հայտնել համագործակցության նախագծին, որը նախաձեռնվել է Հայաստանում առաջիկա հոկտեմբերին կայանալիք Կենսաբանական բազմազանության մասին կոնվենցիայի Կողմերի 17-րդ համաժողովի (COP17) շրջանակում՝ Օվերն-Ռոն-Ալպ ռեգիոնի, Լիոնի մետրոպոլիայի և Երևանի քաղաքապետարանի աջակցությամբ և նպատակ ունի օգնել պահպանելու Հայաստանի էնդեմիկ սերմերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր