Լիոնում ՀՀ Գլխավոր հյուպատոսի մասնակցությունը Ֆրանսիայի դիմադրության շարժման ազգային օրվա միջոցառումներին

25 մայիսի, 2023

Մայիսի 25-ին, Լիոնում ՀՀ Գլխավոր հյուպատոս Նարինե Նիկոլյանը մասնակցել է Ֆրանսիայի դիմադրության շարժման ազգային օրվա միջոցառումներին՝ նվիրված 1943թ. մայիսի 27-ին ֆրանսիացի քաղաքական գործիչ Ժան Մուլենի կողմից Դիմադրության շարժման ազգային խորհրդի հիմնադրման 80-ամյակին: Դիմադրության շարժման նշանակության և դրա ականավոր ներկայացուցիչների հիշատակին նվիրված ելույթներով հանդես եկան Լիոնի քաղաքապետ Գրեգորի Դուսեն, Օվերն-ռոն-Ալպ շրջանի պրեֆեկտ Ֆաբիեն Բուկիոյի անունից՝ պրեֆեկտի տեղակալ Էմանուել Դարմոնը, Նախկին ռազմիկների միության նախագահ Ռոժե Գայը:

Մասնակիցներն այցելեցին Լիոնում գտնվող Մոնլյուք բանտ, որտեղ ձերբակալությունից հետո, մինչև համակենտրոնացման ճամբարներ տեղափոխվելը և գնդակահարվելը, պահվել են Ֆրանսիայի դիմադրության շարժման ակտիվ անդամներից շատերը և հազարավոր հրեաներ: 2014 թվականից Մոնլյուք բանտը հիշատակի վայր է:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր