Լիոնում Հայաստանի Գլխավոր հյուպատոսությունը մասնակցեց Լիոնի ամենամյա հյուպատոսական տոնին

03 հունիսի, 2023

2023թ. հունիսի 3-4-ին, Լիոնի կենտրոնական Բելկուր հրապարակում (Place Bellecour) Լիոնի քաղաքապետարանի նախաձեռնությամբ անցկացվեց Հյուպատոսական ամենամյա տոնը՝ «Խաղերն ու սպորտն աշխարհում» ընդհանուր խորագրով:

Տոնին մասնակցեցին Լիոնում գործող հյուպատոսություններն ու կազմակերպությունները՝ 46 տաղավարով:

Հայաստանի Գլխավոր հյուպատոսության տաղավարում ներկայացված էին Հայաստանում սիրված սպորտաձևերն ու խաղերը, սպորտի ասպարեզում հայ մարզիկների հաջողությունները, Լիոն և Երևան քաղաքների միջև համագործակցությունը, Հայաստանի պատմամշակութային հուշարձաններն ու Երևանի տեսարժան վայրերը, երկրի զբոսաշրջային գրավչությունը, ազգային խորհրդանիշերով հուշանվերներ:

Տաղավարում այցելուներին առաջարկվում էր խաղալ շախմատ և պտտել հոլ:

Հունիսի 3-ին, Հայաստանի տաղավար այցելեցին Լիոնի քաղաքապետ Գրեգորի Դուսեն (Grégory DOUCET), վերջինիս տեղակալ Սոնյա Զդորովցոֆը (Sonia ZDOROVTZOFF)՝ քաղաքապետարանի աշխատակիցների և Լիոնում գործող հյուպատոսական կորպուսի Գլխավոր քարտուղար, Էստոնիայի պատվո հյուպատոս Հյուգ Պուզեի (Hugues POUZET) ուղեկցությամբ:

Հունիսի 3-ին ելույթով հանդես եկավ Լիոնի Նաիրի պարախումբը:

Տոնի երկու օրերին Հայաստանի տաղավարը եղել է մարդաշատ և մեծ հետաքրքրություն է առաջացրել այցելուների շրջանում:

Տեղական «Le Progrès» օրաթերթն իր ռեպորտաժներում ներկայացրել է լուսանկարներ Հայաստանի տաղավարից և Նաիրի պարախմբի ելույթից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր