Լիոնում ՀՀ Գլխավոր հյուպատոսը և փոխհյուպատոսը մասնակցել են Լիոնի Սուրբ Հակոբ հայ առաքելական եկեղեցու օծման 60-ամյակի երեկոյին

01 հուլիսի, 2023

Հուլիսի 1-ին Լիոնում ՀՀ Գլխավոր հյուպատոս Նարինե Նիկոլյանը և փոխհյուպատոս Կարինե Վարդանյանը մասնակցեցին Լիոնի Սուրբ Հակոբ Մայր եկեղեցու օծման 60-ամյակին նվիրված երեկոյին:

Իր ելույթում ՀՀ Գլխավոր հյուպատոսը շնորհավորեց Սուրբ Հակոբ եկեղեցու ծխական խորհրդի նախագահ Ռիշար Գազարյանին, ով նաև Հայաստանյայց առաքելական սուրբ եկեղեցու Ֆրանսիայի թեմական խորհրդի նախագահն է և խորհրդի անդամներին, եկեղեցու հոգևոր հովիվ Տեր Իսահակ ավագ քահանա Հեքիմեանին՝ մաղթելով հաջողություն իրենց ազգապահպան գործունեության մեջ, խոսեց հայ ժողովրդի պատմության ընթացքում եկեղեցու և դրա ականավոր գործիչների դերակատարության մասին: Գլխավոր հյուպատոսն անդրադարձավ նաև հայ-ֆրանսիական առանձնաշնորհյալ հարաբերություններին, ինչպես նաև Ադրբեջանի կողմից Լաչինի միջանցքի արգելափակման հետևանքով Արցախում ստեղծված իրավիճակին:

Երեկոյի ընթացքում ելույթ ունեցան «Սպիտակ» անսամբլը և «Նաիրի» պարախումբը:

Ծանուցում. Լիոնի Սուրբ Հակոբ եկեղեցին կառուցվել է ազգային հանգանակության շնորհիվ: Գլխավոր բարերարը եղել է Կարապետ Հակոբյանը: Եկեղեցու առաջին քարը տեղադրվել է 1954թ. հունիսի 26-ին, օծվել է 1963թ. հունիսի 30-ին՝ Գերաշնորհ Տեր Սերովբե արքեպիսկոպոս Մանուկյանի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր