Ընդունելություն Օվերնյ-Ռոն-Ալպեր շրջանի պրեֆեկտի և Ռոն դեպարտամենտի նախագահի անունից

10 հունվարի, 2024

Հունվարի 10-ին, Լիոնում Հայաստանի գլխավոր հյուպատոս Նարինե Նիկոլյանը և փոխհյուպատոս Կարինե Վարդանյանը մասնակցեցին Ամանորի կապակցությամբ Օվերնյ-Ռոն-Ալպեր շրջանի պրեֆեկտ Ֆաբիեն Բուսիոյի և Ռոն դեպարտամենտի նախագահ Քրիստոֆ Գիյոտոյի անունից կազմակերպված ընդունելությանը:

Օվերնյ-Ռոն-Ալպեր շրջանի պրեֆեկտը և Ռոն դեպարտամենտի նախագահը հանդես եկան ելույթներով՝ ամփոփելով 2023 թվականը և ներկայացնելով 2024 թվականի խոշոր ծրագրերը, որոնց թվում են՝ 2024թ. Ֆրանսիայում նախատեսված օլիմպիական խաղերը և այդ շրջանակներում Լիոնում կայանալիք 11 և Սենտ-Էթիենում կայանալիք 6 ֆուտբոլային խաղերը, Լիոնում նախատեսված արհեստների համաշխարհային WorldSills խաղերը, Լիոն-Թուրին արագընթաց գնացքի գծի կառուցումը և այլն:

Լիոնում գործող հյուպատոսական կորպուսից բացի, միջոցառմանը ներկա էին Ֆրանսիայի Ազգային ժողովի պատգամավորներ, սենատորներ, Լիոնի և մերձակա քաղաքների քաղաքապետերը, Լիոն Մետրոպոլիայի նախագահը, Օվերնյ-Ռոն-Ալպեր շրջանի, Ռոն դեպարտամենտի և շրջակա դեպարտամենտների բարձրաստիճան ներկայացուցիչներ, պրեֆեկտներ, Լիոնի մշակութային հաստատությունների, տնտեսական և ակադեմիական շրջանակների ներկայացուցիչներ, քաղաքացիական հասարակության ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր