Ամանորի ընդունելություն Լիոնի մետրոպոլիայի նախագահի հրավերով

16 հունվարի, 2024

Հունվարի 16-ին, Լիոնի մետրոպոլիայի նախագահ Բրունո Բերնարի հրավերով տեղի ունեցավ Ամանորի ընդունելություն, որին ներկա էր մոտ 2000 հրավիրյալ՝ Սենատի անդամներ, ԱԺ պատգամավորներ, Օվերնյ-Ռոն-Ալպերի շրջանային իշխանությունների, Լիոնի մետրոպոլիայի կազմի մեջ մտնող քաղաքների և մետրոպոլիայի տարբեր հաստատությունների, մշակութային և ակադեմիական շրջանակների ղեկավարներ և ներկայացուցիչներ, հոգևոր առաջնորդներ, ինչպես նաև Լիոնում գործող հյուպատոսությունները:

Մետրոպոլիայի նախագահ Բրունո Բերնարն ամփոփեց 2023 թվականը և ներկայացրեց 2024 թվականի ծրագրերը: Ելույթի սկզբում, մետրոպոլիայի նախագահը խոսեց տարբեր տարածաշրջաններում ընթացող հակամարտություններից՝ անդրադառնալով նաև Լեռնային Ղարաբաղի հակամարտությանը: «Վերահաստատում եմ աջակցությունը ռուսական ագրեսիայի զոհ դարձած ուկրաինացի ժողովրդին, ինչպես նաև Լեռնային Ղարաբաղի հայ ազգաբնակչությանը, որը ստիպված եղավ փախչել Ադրբեջանի կողմից ագրեսիայի հետևանքով, նաև հակամարտությունների հետևանքով տառապող բոլոր ժողովուրդներին», - նշեց նա:

Ընդունելությանը մասնակցեցին Լիոնում Հայաստանի գլխավոր հյուպատոսը և փոխհյուպատոսը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր