Հիշատակի միջոցառում Լիոնում

28 հունվարի, 2024

Հունվարի 28-ին Լիոնում տեղի ունեցավ Աուշվից-Բիրկենաու (Auschwitz-Birkenau) համակենտրոնացման ճամբարի ազատագրման օրվան նվիրված հիշատակի միջոցառում:

Միջոցառմանը ներկա էին Լիոնի քաղաքապետ Գրեգորի Դուսեն (Grégory DOUCET), Լիոնի ռազմական ղեկավար, գեներալ Դենի Միստրալը (Denis MISTRAL), Ռոնից ընտրված պատգամավոր Սառա Տանզիլին (Sarah TANZILLI), Օվերնյ-Ռոն-Ալպեր շրջանի խորհրդական Սիլվի Ֆայոլը (Sylvie FAYOLLE)-ը, Աուշվից-Բիրկենաուի և Վերին Սիլեզիայի ճամբարներից նախկին տեղահանվածների կազմակերպության նախագահ Ժան-Կլոդ Ներսոնը (Jean-Claude NERSON), դեպարտամենտի և պրեֆեկտուրայի, ինչպես նաև օրենսդիր և դատական իշխանության ներկայացուցիչներ:

Ելույթներով հանդես եկան քաղաքապետ Գրեգորի Դուսեն և նախկին տեղահանվածների կազմակերպության նախագահ Ժան-Կլոդ Ներսոնը: Երկուսն էլ իրենց ելույթներում դատապարտեցին ցեղասպանության հանցագործությունը և կարևորեցին դրա կանխարգելումը, որում կարևոր նշանակություն ունի սերունդներին պատմական հիշողության փոխանցումը:

Ներկաները հիշատակի հուշարձանի մոտ զետեղեցին ծաղկեպսակներ, տեղի ունեցավ մոմավառություն:

Միջոցառմանը ներկա էր Լիոնում ՀՀ գլխավոր հյուպատոսության փոխհյուպատոսը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր