Դուդուկի միջազգային 6-րդ փառատոնը Վալանսում

17 փետրվարի, 2024

Փետրվարի 17-ին Վալանսի քաղաքային թատրոնի դահլիճում կայացավ «Դուդուկի միջազգային 6-րդ փառատոնը», որին ներկա էին Վալանսի քաղաքապետ, Օվերնյ-Ռոն-Ալպեր շրջանի նախագահ Նիկոլա Դարագոնը, քաղաքային խորհրդի անդամները, Լիոնում Հայաստանի գլաավոր հյուպատոսը, շրջանի հայկական միությունների ներկայացուցիչները, բազմաթիվ երաժշտասերներ:

Էթնո ջազի և հայկական ավանդական երաժշտության գեղեցիկ համադրությամբ երեկոյի ընթացքում ելույթներով հանդես եկան դուդուկահարներ Վարդան Գրիգորյանը, Վլադիմիր Կրոյանը և Լևոն Չատիկյանը, բլուլահար Անի Ռուբենյանը, քանոնահար Մայրանուշ Ռուբենյանը, Էղիշե Գասպարյանը (կլարնետ), Մանուկ Ղազարյանը և Հովո Ռաստկլանը (ստեղնաշարային գործիքներ) և երգչուհի Անկինեն:

Փառատոնը Վալանսի քաղաքապետի տեղակալ Ժորժ Ռաստկլանի և երաժիշտ-դուդուկահար Լևոն Չատիկյանի համատեղ նախաձեռնությունն է և իրականացվում է Վալանսի քաղաքապետարանի, Օվերնյ-Ռոն-Ալպեր շրջանի, Վալանսի կոնսերվատորիայի, ինչպես նաև բարերարների աջակցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր