«Հայաստան. սրբության ժամանակներ» ցուցահանդեսի բացումը Բյուլուկյան հիմնադրամում

05 մարտի, 2024

Մարտի 5-ին, Լիոնի կենտրոնում գտնվող Բյուլուկյան հիմնադրամում բացվեց «Հայաստան. սրբության ժամանակներ» ցուցահանդեսը, որին ներկա էին հիմնադրամի նախագահ Ժան-Պիեռ Կլավերանը և փոխնախագահ Պատրիկ Բաղդասարյանը, ցուցահանդեսի հեղինակ, նկարիչ և պատմաբան Պասկալ Կոնվերը, Ֆրանսիայի սենատի Ֆրանսիա-Հայաստան բարեկամության խմբի նախագահ, Ռոնից ընտրված սենատոր Ժիլբեր-Լյուկ Դըվինազը, Լիոնի քաղաքապետ Գրեգորի Դուսեն, փոխքաղաքապետ Սոնյա Զդորովցոֆը, քաղաքային խորհրդի անդամ Ժորժ Կեպենեկյանը, Լիոնում ՀՀ գլխավոր հյուպատոսը և փոխհյուպատոսը, ինչպես նաև հայկական միությունների բազմաթիվ ներկայացուցիչներ։

Ներկայացված են Գեղարդի վանքի խաչքարերը, որոնք բարձր որակի հատուկ տպագրությամբ վերարտադրվել են տասնմեկ մետրանոց բրեզենտե պաստառների վրա:

Ցուցահանդեսի հեղինակ Պասկալ Քոնվերի, կոմիսար Ֆանի Ռոբենի, Բյուլուկյան հիմնադրամի կողմից նախաձեռնված և իրականացված այս եզակի ինստալյացիան գործելու է մինչև 2024թ. օգոստոս՝ այցելուների ուշադրությունը հրավիրելով Լեռնային Ղարաբաղում վտանգված հայկական ժառանգության վրա :

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր