ՀԱՅՈՑ ՑԵՂԱՍՊԱՆՈՒԹՅԱՆ 109-ՐԴ ՏԱՐԵԼԻՑԻՆ ՆՎԻՐՎԱԾ ԱՐԱՐՈՂՈՒԹՅՈՒՆ ՎՈ-ԱՆ-ՎԸԼԵՆ ՔԱՂԱՔՈՒՄ

24 ապրիլի, 2024

Ապրիլի 24-ին՝ Ֆրանսիայի Օվերնյ-Ռոն-Ալպեր շրջանում Հայոց ցեղասպանության ոգեկոչման միջոցառումների շրջանակում, Լիոնում Հայաստանի գլխավոր հյուպատոս Նարինե Նիկոլյանը մասնակցեց Լիոնի մերձակա Վո-ան-Վըլեն (Vaulx-en-Velin) քաղաքում Հայոց ցեղասպանության 109-րդ տարելիցին նվիրված արարողությանը։

Հայոց ցեղասպանության զոհերի հիշատակը հավերժացնող խաչքարի առջև տեղի ունեցած ոգեկոչման միջոցառումը մեկնարկեց լռության րոպեով։ Խաչքարի առջև ծաղկեպսակներ խոնարհեցին Լիոնում Հայաստանի գլխավոր հյուպատոսը, Վո-ան-Վըլենի քաղաքապետ Հելեն Ժոֆրուան, Հրազդանի քաղաքապետ Սևակ Միքայելյանը, տեղի հայ համայնքային կառույցների ներկայացուցիչները: Ելույթներով հանդես եկան Լիոնում Հայաստանի գլխավոր հյուպատոսը, Վո-ան-Վըլենի քաղաքապետ Հելեն Ժոֆրուան, համայնքային կառույցների և միությունների ներկայացուցիչները: Միջոցառմանը ներկա էին Լիոնի մետրոպոլիայի այլ քաղաքների քաղաքային խորհուրդների անդամներ:

Հնչեցին Հայաստանի Հանրապետության և Ֆրանսիայի Հանրապետության օրհներգերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր