ՀԱՅ ԱՏԼԵՏՆԵՐԸ ՆԱԽԱՕԼԻՄՊԻԱԿԱՆ ՄԱՐԶՈՒՄՆԵՐ ԱՆՑԿԱՑՐԵՑԻՆ ԼԻՈՆՈՒՄ ԵՎ ՍԵՆՏ-ԷՏԻԵՆՈՒՄ

26 ապրիլի, 2024

Լիոնի քաղաքապետարանի հրավերով և Լիոնի մետրոպոլիայի աջակցությամբ, 2024թ. ապրիլի 20-27-ին Հայաստանի ատլետների թիմի 9 մարզիկներ և 3 մարզիչներ գտնվում էին Լիոնում՝ նախաօլիմպիական մարզումների նպատակով:

Մարզումները տեղի ունեցան Halle Stéphane Diagana – Stade Balmont մարզասրահում:

Ապրիլի 22-ին Լիոնի քաղաքապետարանում կազմակերպվեց հայ մարզիկների պաշտոնական ընդունելություն, որին ներկա էին Լիոնի քաղաքապետ Գրեգորի Դուսեն, Լիոնի մետրոպոլիայի փոխնախագահ Հելեն Դյուվիվիե-Դրոմենը, Լիոնի քաղաքապետի՝ սպորտի հարցերով տեղակալ Ժյուլի Նյուբլա-Ֆորը, միջազգային հարցերով տեղակալ Սոնյա Զդորովցովը, քաղաքային խորհրդի անդամները, հայկական կառույցների ղեկավարները և անդամները:

Ապրիլի 24-ին հայ մարզիկները Լիոնի կենտրոնական հրապարակում ներկա գտնվեցին Հայոց ցեղասպանության 109-րդ տարելիցին նվիրված պաշտոնական արարողությանը, իսկ ապրիլի 25-ին այցելեցին Լիոնի մերձակա Դեսին քաղաքի Հայկական հիշողության ազգային կենտրոն, Դեսինի հայկական եկեղեցի և Մշակութի տուն: Դեսինում կազմակերպված ընդունելությանը մասնակցեցին Լիոն քաղաքի և Լիոնի մետրոպոլիայի բարձրաստիճան ներկայացուցիչներ, այդ թվում՝ Լիոնի քաղաքապետ Գրեգորի Դուսեն և Լիոնի մետրոպոլիայի փոխնախագահ Հելեն Դյուվիվիե-Դրոմենը:

Լիոնում հայ մարզիկների այցելության ծրագրի իրականացմանը մեծապես աջակցել են հայ համայնքի ներկայացուցիչները:

Ապրիլի 13-20-ին հայ ատլետները նախաօլիմպիական մարզումներ են անցկացրել Սենտ-Էտիենում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր