Լիոնում Հայաստանի Գլխավոր հյուպատոսն այցելել է Կլերմոն-Ֆերան

07 մայիսի, 2024

Մայիսի 7-ին, Լիոնում Հայաստանի Գլխավոր հյուպատոս Նարինե Նիկոլյանն այցելել է Օվերնյ-Ռոն-Ալեր շրջանի Կլերմոն-Ֆերան քաղաք, որտեղ կայացել է հանդիպում քաղաքապետ, Կլերմոն Օվերնյ Մետրոպոլիայի նախագահ Օլիվյե Բիանկիի հետ: Հանդիպմանը մասնակցել է Կլերմոն-Ֆերանի քաղաքային խորհրդի անդամ Կլոդին Խաչադուրյանը:

Գլխավոր հյուպատոսը քաղաքապետին ներկայացրել է իրավիճակը Հայաստանում և տարածաշրջանում, տեղեկացրել է Հայաստանում ժողովրդավարության խորացման գործընթացների, ինչպես նաև տարածաշրջանում կայուն խաղաղության հասնելու ուղղությամբ Հայաստանի կառավարության կողմից գործադրվող ջանքերի մասին: Քննարկվել է Հայաստանի քաղաքներից մեկի և Կլերմոն-Ֆերանի միջև բարեկամական կապեր հաստատելու հարցը:

Գլխավոր հյուպատոսն այցելել է Կլերմոն-Ֆերանի՝ 2022թ. անվանակոչված Հայաստանի հրապարակ և հարգանքի տուրք է մատուցել Հայոց ցեղասպանության զոհերի հիշատակին: Գլխավոր հյուպատոսին ուղեկցել են Ֆրանսիայի Ազգային ժողովի նախկին պատգամավոր Ալեն Ներին, «Օվերնյի հայկական հանդիպումներ և մշակույթ» միության նախագահ Կլոդին Խաչադուրյանը, Միության հիմնադիրներ Ջեքի Շահբազյանը և Բեռնար Հակոբյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր