ԼԻՈՆՈՒՄ ՀԱՅԱՍՏԱՆԻ ԳԼԽԱՎՈՐ ՀՅՈՒՊԱՏՈՍԸ ՄԱՍՆԱԿՑԵԼ Է ԼԻՈՆԻ ՔԱՂԱՔԱՊԵՏԱՐԱՆՈՒՄ ԿԱԶՄԱԿԵՐՊՎԱԾ ԲԱՐԵԳՈՐԾԱԿԱՆ ԸՆԹՐԻՔԻՆ

16 մայիսի, 2024

Մայիսի 16-ին, Լիոնում Հայաստանի գլխավոր հյուպատոսը մասնակցել է Լեռնային Ղարաբաղից բռնի տեղահանված անձանց համար Ֆրանսիայի հայկական կապույտ խաչ կազմակերպության և Հայաստանյայց առաքելական սուրբ եկեղեցու Ֆրանսիայի թեմի կողմից նախաձեռնված ծրագրերը ֆինանսավորելու նպատակով Լիոնի քաղաքապետարանում կազմակերպված բարեգործական ընթրիքին:

Երեկոյին ներկա են եղել Լիոնի քաղաքապետ Գրեգորի Դուսեն, Ֆրանսիայի Սենատի Ֆրանսիա-Հայաստան բարեկամական խմբի նախագահ Ժիլբեր-Լյուք Դըվինան, Ազգային Ժողովի պատգամավորներ Անն Բրյուներան, Մարի-Շարլոտ Գարենը, Սառա Տանզիլին, Թոմա Ռուդիգոն, Լիոնի մետրոպոլիայի փոխնախագահ Հելեն Դրոմեն-Դյուվիվիեն, Լեռնային Ղարաբաղի ներկայացուցիչ Հովհաննես Գևորգյանը, Օվերնյ-Ռոն-Ալպեր շրջանի տարբեր քաղաքների քաղաքային խորհրդի անդամներ, ֆրանսահայ կազմակերպությունների ղեկավարներ և ներկայացուցիչներ, գործարարներ:

Իր ելույթում գլխավոր հյուպատոսը ներկայացրել է Լեռնային Ղարաբաղից բռնի տեղահանված անձանց կարինքները հոգալու նպատակով Հայաստանի կառավարության ծրագրերը, ներառյալ՝ նույն օրը ՀՀ կառավարության կողմից հաստատված բնակարանային ապահովման պետական աջակցության ծրագիրը, անդրադարձել է ցեղասպանությունից ավելի քան մեկ դար անց ԼՂ ժողովրդի հանդեպ իրականացված էթնիկ զտմանն ու Ադրբեջանի կողմից Հայաստանի հանդեպ շարունակվող սպառնալիքներին, տարածաշրջանում խաղաղության հաստատման և ժողովրդավարության առաջմղման նպատակով Հայաստանի կառավարության ջանքերին:

Հանգանակված գումարը նախատեսված է տրամադրել Ֆրանսիայի հայկական կապույտ խաչ կազմակերպության՝ Հայաստանում իրականացվող բնակարանային ծրագրերին, որոնց շահառուները կլինեն Լեռնային Ղարաբաղից բռնի տեղահանված անձինք և ԼՂ ընտանիքների երեխաների ամառային հանգստի կազմակերպմանը, որը նախաձեռնել է Հայաստանյայց առաքելական սուրբ եկեղեցին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր