ՀԱՅԿԱԿԱՆ ՖԻԼՄԵՐԻ ՓԱՌԱՏՈՆ ԲԵԼՎԻԼ-ԱՆ-ԲՈԺՈԼԵՈՒՄ

28 մայիսի, 2024

2024թ. մայիսի 15-28-ը Ֆրանսիայի Օվերնյ-Ռոն-Ալպեր շրջանի Բելվիլ-ան-Բոժոլե քաղաքում կայացավ հայկական ֆիլմերի փառատոն, որի ընթացքում ցուցադրվեցին Իննա Սահակյանի «Ավրորայի լուսաբացը», Սերժ Ավետիկյանի և Ելենա Ֆետիսովայի «Փարաջանով», Լևոն Մինասյանի «Բրավո վիրտուոզ», Սերժ Ավետիկյանի «Նա, ում սպասում էին», Նորա Մարտիրոսյանի «Եթե քամին վրա հասնի» և Ռոբեր Գեդիկյանի «Մի խենթ պատմություն» ֆիլմերը:

Փառատոնը կազմակերպվել էր Les singuliers cinema կինոթատրոնի և կինոփառատոնի կազմակերպման պատասխանատուներից Գի Դոնիկյանի հետ համագործակցության արդյունքում:

Ֆիլմերից 3-ին հաջորդել են քննարկումներ հանդիսատեսի հետ: «Ավրորայի լուսաբացը» ֆիլմից հետո հանդիսատեսի հետ հայոց ցեղասպանության թեմայով զրույց է վարել ֆրանսահայ փիլիսոփա, գրող Մորիս Դոլմաջյանը, «Բրավո վիրտուոզ» ֆիլմին հետևել է դուդուկ երաժշտական գործիքի ներկայացում Վալանսի և Փարիզի կոնսերվատորիաներում դուդուկ դասավանդող վարպետ Լևոն Չատիկյանի կողմից, իսկ «Փարաջանով» ֆիլմի ցուցադրությանը ներկա է եղել ՀՀ գլխավոր հյուպատոս Նարինե Նիկոլյանը, ով պատասխանել է Փարաջանովի կյանքին և ստեղծագործությանը, ինչպես նաև Հայաստանի ներկա իրավիճակին վերաբերող հարցերին:

Փարաջանովյան երեկոյին ներկա է եղել Բելվիլ-ան-Բոժոլե քաղաքային ագլոմերացիայի մշակույթի հարցերով փոխնախագահ Նադին Բոդեն:

Փառատոնի սրահում կազմակերպվել է Սերգեյ Փարաջանովին նվիրված լուսանկարչական ցուցահանդես:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր