Հայաստանը՝ Լիոնի «Երկխոսություններ հանուն մարդասիրության» փառատոնի պատվավոր հյուր

07 հուլիսի, 2024

Հուլիսի 5-7-ին Հայաստանը, պատվավոր հյուրի կարգավիճակով, առաջին անգամ մասնակցեց Լիոնի մետրոպոլիայի նախաձեռնությամբ քաղաքի կենտրոնական հանրային Parc de la Tête d’or այգում կազմակերպված «Երկխոսություններ հանուն մարդասիրության» փառատոնին:

Այգու գլխավոր մուտքի մոտ, գլխավոր հյուպատոսության առաջարկով և մասնակցությամբ, կազմակերվեց Սերգեյ Փարաջանովին և նրա ստեղծագործությանը նվիրված լուսանկարչական ցուցահանդես: Նույն վայրում տեղադրվեցին նաև ֆրանսիացի լուսանկարիչ Էրվե Տաբոնեի՝ Հայաստանում կատարած և Դեսինի Հայկական հիշողության ազգային կենտրոնի կողմից ներկայացված լուսանկարները, որոնք պատմում են Լեռնային Ղարաբաղում տեղի ունեցած էթնիկ զտման հումանիտար հետևանքների մասին:

Հայկական մշակույթը ներկայացնելու նպատակով, հուլիսի 6-ին փառատոնի վայրում կազմակերպվեց Լիոնում գործող հայկական ժողովրդական երգի «Սպիտակ» անսամբլի համերգը:

Գլխավոր հյուպատոսությունը փառատոնին ներգրավեց նաև «Մասիս» շախմատային ակումբին, որի սաները Լիոնի շախմատի ֆեդերացիայի բացօթյա տաղավարում մրցեցին փառատոնի մասնակիցների և այցելուների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր