«Հայաստանը արևելքի և արևմուտքի խաչմերուկում» թեմայով կոնֆերանս Լիոնի միջազգային ակումբում

09 հուլիսի, 2024

Հուլիսի 9-ին Լիոնում Հայաստանի գլխավոր հյուպատոս Նարինե Նիկոլյանը որպես հիմնական բանախոս մասնակցեց Լիոնի միջազգային ակումբում (The Lyinc – Club International de Lyon) կազմակերպված «Հայաստանը արևելքի և արևմուտքի խաչմերուկում - L'Arménie au carrefour de l'Occident et de l'Orient» թեմայով կոնֆերանսին:

Ակումբի անդամներին ներկայացվեցին Հայաստանի իրավիճակը, հարևանների հետ հարաբերությունները, Լեռնային Ղարաբաղի էթնիկ զտումից հետո տարածաշրջում առկա մարտահրավերները, Հայաստանի և Ադրբեջանի միջև հարաբերությունների կարգավորման և սահմանազատման գործընթացը և խոչընդոտները, Հարավային Կովկասում կայուն խաղաղություն հաստատելու նպատակով Հայաստանի կողմից առաջ քաշված «Խաղաղության խաչմերուկ» նախագիծը:

Թեմայի ընդհանուր ներկայացումից հետո, գլխավոր հյուպատոսը պատասխանեց մասնակիցների հարցերին:

Ծանոթություն. Լիոնի միջազգային ակումբը գործում է 2010 թվականից: Ակումբի անդամ են տարբեր երկրներ և ազգություններ ներկայացնող գործարար և գիտական շրջանակների, ուսումնական կենտրոնների ներկայացուցիչներ, փաստաբաններ, լրագրողներ, մշակույթի գործիչներ: Ակումբի նպատակն է միջմշակութային շփումների հարթակ ստեղծել՝ շեշտադրելով Լիոնի և Օվերնյ-Ռոն-Ալպեր շրջանի միջազգային իմիջը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր