Միսակ Մանուշյանին նվիրված երեկո Լիոնի քաղաքապետարանում

05 սեպտեմբերի, 2024

Սեպտեմբերի 5-ին Լիոնում Հայաստանի Գլխավոր հյուպատոս Նարինե Նիկոլյանը մասնակցել է Ֆրանսիայի դիմադրության շարժման հերոս Միսակ Մանուշյանին նվիրված՝ Լիոնի քաղաքապետարանի հանդիսությունների սրահում կայացած կոնֆերանսին:

Միջոցառումը նվիրված էր Լիոն քաղաքի ազատագրման 80-ամյակին և Միսակ Մանուշյանի՝ Ֆրանսիայի Պանթեոնում վերահուղարկավորմանը: Այն նախաձեռնել էր Ֆրանսիայում գործող «Երկիր և մշակույթ» կազմակերպությունը՝ Լիոնի քաղաքապետարանի հետ համագործակցաբար: Միսակ Մանուշյանի կյանքի և գործունեության մասին «Մանուշյան. մի ապատրիդ որբի կյանքի ուղին » խորագրով դասախոսությամբ հանդես է եկել ֆրանսահայ գրող-հրապարակախոս Հուրի Վարժաբեդյանը:

Ողջույնի խոսքով հանդես է եկել Լիոնի քաղաքապետի տեղակալ Սոնյա Զդորովցոֆֆը: Միջոցառմանը ներկա են եղել Մ. Մանուշյանի ընտանիքի ներկայացուցիչները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր