Լիոնի Ֆուրվիերի Աստվածամոր տաճարում տեղի ունեցավ քաղաքի օրհնության ավանդական արարողությունը

08 սեպտեմբերի, 2024

Սեպտեմբերի 8-ին, Լիոնում Հայաստանի գլխավոր հյուպատոս Նարինե Նիկոլյանը ներկա է գտնվել Լիոն քաղաքի օրհնության ավանդական արարողությանը՝ Երեցների ուխտի 381-րդ տարեդարձի պատարագին, որը մատուցել է Արքեպիսկոպոս Օլիվյե դե Ժերմեյը և դրան հետևած քննարկմանը, որն անցկացվել է «Հույսի » թեմայի շուրջ՝ Լիոնի քաղաքապետ Գրեգորի Դուսեի մասնակցությամբ:

Ներկա էին Օվերն Ռոն-Ալպ ռեգիոնի, Լիոն քաղաքի և Մետրոպոլիայի ընտրված պաշտոնյաները, ՕՌԱ ռեգիոնի պրեֆեկտը, Լիոնում գործող հյուպատոսները, հարյուրավոր հավատացյալներ:

Ի տեղեկություն. Լիոնի երեցների ուխտը ծագել է 17-րդ դարում Եվրոպայում մոլեգնած և Լիոնի դարպասների մոտ հասած ժանտախտի համաճարակի սպառնալիքի ժամանակ: 1643թ. սեպտեմբերի 8-ին, Լիոնի վաճառականները, երեցները և Լիոնի բնակիչները հոծ բազմությամբ երթ են կատարել Ֆուրվիեր՝ խնդրելով Մարիամ Աստվածածնին շեղել համաճարակը քաղաքից, ինչից հետո ժանտախտը « շրջանցել է » Լիոնը և երեցների ուխտը դարերի ընթացքում դարձել է ավանդույթ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր