Հայաստանը մասնակցել է Լիոնի արհեստների համաշխարհային WorldSkills մրցույթին

15 սեպտեմբերի, 2024

Սեպտեմբերի 10-15-ին Լիոնում կայացել է արհեստների համաշխարհային WorldSkills մրցույթը, որին մասնակցելու նպատակով Լիոն է այցելել ՀՀ 15 անդամից կազմված պատվիրակությունը՝ տեղեկատվական տեխնոլոգիաներ, WEB դիզայն, ոսկերչություն, նորաձևություն, խոհարարություն մասնագիտություններով:

Սեպտեմբերի 10-ին, Ռոնի մասնագիտական կրթության ընկերությունում տեղի է ունեցել մրցույթին մասնակցող Հայաստանի պատվիրակության հյուրընկալման արարողություն, որին մասնակցել և ելույթով հանդես է եկել Լիոնում Հայաստանի գլխավոր հյուպատոսը:

Գլխավոր հյուպատոսը ներկա է եղել Ֆրանսիայի նախագահի մասնակցությամբ WorldSkills մրցույթի պաշտոնական բացման և փակման արարողություններին, ինչպես նաև մրցույթի օրերին այցելել է մրցույթի վայր՝ Հայաստանի մասնակիցներին քաջալերելու նպատակով: Մրցույթի նախապատրաստական շրջանում, CEPFA-ի սան Միրա Ներսիսյանը Լիոնի մետրոպոլիայի հրավերով և ֆինանսավորման շնորհիվ երկու անգամ մասնագիտական վերապատրաստում է անցել SEPR-ում, ինչի շնորհիվ ճանաչվել է լավագույն մասնակից Հայաստանի թիմից:

Սեպտեմբերի 15-ին, Հայաստանի պատվիրակությունը հյուրըկալվել է Գլխավոր հյուպատոսությունում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր