Շարլ Ազնավուրի 100-ամյակին նվիրված միջոցառում Մոնտելիմարում

20 սեպտեմբերի, 2024

Սեպտեմբերի 20-ին, Լիոնում Հայաստանի գլխավոր հյուպատոսն այցելել է Օվերն-Ռոն-Ալպ ռեգիոնի Մոնտելիմար քաղաք՝ Մոնտելիմարի «De l'écrit à l'écran» կինոփառատոնի բացման արարողության առիթով, որը նվիրված էր Շարլ Ազնավուրի 100-ամյակին:

700 հանդիսատեսի ներկայությամբ առաջին անգամ ցուցադրվել է «Մսյո Ազնավուր» ֆիլմը, որին նաև ներկա են եղել Մոնտելիմարի քաղաքապետ Ժյուլիեն Կորնիեն, Դրոմ դեպարտամենտի նախագահ Մարի-Պիեր Մուտոնը և Դրոմի պրեֆեկտ Թիերրի Դեվիմոն: Ֆիլմի ցուցադրությունից առաջ գլխավոր հյուպատոսը հանդես է եկել ելույթով՝ խոսելով Շարլ Ազնավուրի կյանքի և ստեղծագործության, ինչպես նաև Հայաստանի և Հարավային Կովկասի իրավիճակի, Լեռնային Ղարաբաղի էթնիկ զտման, կայունության ապահովման ուղղությամբ Հայաստանի կառավարության ջանքերի մասին:

Այցելության կապակցությամբ, Գլխավոր հյուպատոսը Մոնտելիմարի քաղաքապետարանում հանդիպում է ունեցել քաղաքապետ Ժյուլիեն Կորնիեի և Դրոմի պրեֆեկտ Թիերրի Դեվիմոյի հետ, այցելել և ծաղիկներ է զետեղել Մոնտելիմարի Հայոց ցեղասպանության հուշահամալիրի մոտ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր