Հարգանքի տուրք Սերգեյ Փարաջանովին՝ իր ծննդյան օրը

09 հունվարի, 2025

Հունվարի 9-ին՝ Սերգեյ Փարաջանովի ծննդյան օրը, Լիոնում ՀՀ գլխավոր հյուպատոսության նախաձեռնությամբ, Լիոնի քաղաքապետարանում տեղի ունեցավ կինոբեմադրիչի 100-ամյակին նվիրված երկու միջոցառում՝ լուսանկարչական ցուցահանդես և կոնֆերանս՝ արվեստի պատմաբան և սոցիոլոգ, պրոֆեսոր Ալեն Նավարա-Նավասարդյանի մասնակցությամբ:

Գլխավոր հյուպատոսությունը շնորհակալություն է հայտնում Լիոնի քաղաքապետ պարոն Գրեգորի Դուսեին և փոխքաղաքապետ Սոնյա Զդորովցոֆին՝ նախաձեռնությանն աջակցելու, պարոն Ալեն Նավարա-Նավասարդյանին՝ հիշարժան կոնֆերանսի, ինչպես նաև պարոն Մաքսիմ Եվադյանին և նրա «Հայաստանի ակունքները» միությանը՝ համաժողովի նախապատրաստմանն աջակցելու համար։

Ցուցահանդեսը ստեղծվել է Երևանի Սրգեյ Փարաջանովի թանգարանի հետ համատեղ։ Ցուցադրված են նկարչի դիմանկարները, կոլաժները, մասնավորապես՝ «Մի քանի դրվագ Ջոկոնդայի կյանքից» շարքից, «Նռնակի գույնը» ֆիլմի զգեստների էսքիզները, բանտում կատարված գործերը և այլն: Լուսանկարների մեծ մասի հեղինակը լուսանկարիչ, Երևանի Փարաջանովի թանգարանի հիմնադիր Զավեն Սարգսյանն է:

Ցուցահանդեսը Լիոնի քաղաքապետարանի ատրիումում հանրությանն է ներկայացվել 2025թ. հունվարի 10-16-ին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր