Լիոնում Հայաստանի գլխավոր հյուպատոսը մասնակցել է Ռոման-սյուր-Իզեր և Բուրգ-դը-Պեաժ քաղաքների հայկական միության 60-ամյակին նվիրված հանդիսությանը

06 մարտի, 2025

Մարտի 6-ին, Լիոնում Հայաստանի գլխավոր հյուպատոսն այցելել է Օվերն-Ռոն-Ալպ ռեգիոնի Ռոման-սյուր-Իզեր քաղաք՝ մասնակցելու Ռոման-սյուր-Իզեր և Բուրգ-դը-Պեաժ քաղաքների հայկական միության 60-ամյակին նվիրված հանդիսությանը:

Միջոցառմանը մասնակցել են Բուրգ-դը-Պեաժի քաղաքապետ Նատալի Նիեզոնը, քաղաքապետի առաջին տեղակալ Քրիստիան Ռոլանը և քաղաքային խորհրդի անդամները, ՕՌԱ ռեգիոնի խորհրդի անդամ Դավիդ Բուիսոնը, Դրոմ դեպարտամենտի խորհրդի անդամներ Լինդա Հաջարին, Աննա Պլասը, Պիեր Պիենիկը, Ռոման-սյուր-Իզեր քաղաքի քաղաքային խորհրդի անդամները, Ֆրանսիայի Ազգային ժողովի նախկին պատգամավոր Էմանուել Անտուանը, հայ առաքելական եկեղեցու ներկայացուցիչները, հայկական միության նախագահ Էլիզաբեթ Պելլեն և նախկին նախագահները, բազմաթիվ ֆրանսահայեր:

Գլխավոր հյուպատոսը հանդես է եկել ելույթով՝ անդրադառնալով հայապահպանության, ինչպես նաև հայ-ֆրանսիական կապերի ամրապնդման գործում Ֆրանսիայի հայկական միությունների դերին, Հայաստանի Հանրապետության առջև գոյություն ունեցող մարտահրավերներին և խաղաղության օրակարգին:

Տեղական Le Dauphiné Libéré թերթն անդրադարձել է միջոցառմանը:

Ի տեղեկություն. Ռոման-սյուր-Իզերը բարեկամական կապեր ունի ՀՀ Թալին քաղաքի հետ: 2024թ. տեղի է ունեցել Թալինի ֆրանկոֆոն կենտրոնի համահիմնադիրների այցելությունը Ռոման-սյուր-Իզեր, որի արդյունքում պայմանավորվածություն է ձեռք բերվել ակտիվացնել երկու քաղաքների միջև համագործակցությունը, մասնավորապես մշակույթի ոլորտում: Ռոմանի հայտնի հայերից են դիզայներ Ալեն Մանուկյանը, քանդակագործ Թորոս Ռասթկելենյանը, կոշկագործ Ստեֆան Կելյանը, գործարար Ժակ Մարգարյանը: Բուրգ-դը-Պեաժ քաղաքը բարեկամության համաձայնագիր էր ստորագրել Լեռնային Ղարաբաղի Մարտունի քաղաքի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր