Սերգեյ Փարաջանովին նվիրված երեկո «Institut Lumière» հաստատությունում

12 մարտի, 2025

Սերգեյ Փարաջանովի 100-ամյակի կապակցությամբ, Լիոնի «Ecrans Mixtes» ամենամյա կինոփառատոնի շրջանակներում կազմակերպվել են վերջինիս նվիրված երեկոներ:

Մարտի 10-ին, Pathé Bellecour կինոթատրոնում ցուցադրվել է ֆրանսահայ կինոգործիչ Սերժ Ավեդիկյանի և Օլենա Ֆետիսովայի «Փարաջանովի սկանդալը» ֆիլմը:

Մարտի 11-ին, Lumière Bellecour կինոթատրոնում ցուցադրվել են ֆրանսիացի կինոգործիչ Պատրիկ Կազալի «Սերգեյ Փարաջանով. ըմբոստը», նույն հեղինակի «Մուսան և հրաշագործը» փաստա-վավերագրական ֆիլմերը՝ հեղինակի մասնակցությամբ և Սերգեյ Փարաջանովի « Սայաթ-Նովա. նռան գույնը » ֆիլմը:

Մարտի 12-ին, Լիոնի «Institut Lumière» հաստատությունում տեղի է ունեցել Սերգեյ Փարաջանովին նվիրված կոնֆերանս՝ ֆրանսահայ կինոգործիչ Սերժ Ավեդիկյանի մասնակցությամբ և ցուցադրվել է Փարաջանովի «Մոռացված նախնիների ստվերները» ֆիլմը:

Լիոնում Հայաստանի գլխավոր հյուպատոսը ներկա է գտնվել մարտի 12-ի երեկոյին:

Ի տեղեկություն. «Սերգեյ Փարաջանով. ըմբոստը» ֆիլմի նկարահանումները կատարվել են Փարաջանովի Թբիլսիի տանը, « Աշուղ Ղարիբը » ֆիլմի նկարահանման հրապարակում, Երևանի Փարաջանովի թանգարանում, Փարիզում և Թբիլիսիում: «Մուսան և հրաշագործը» ֆիլմը ներկայացնում է դերասանուհի Սոֆիկո Չիաուրելիի հուշերը Սերգեյ Փարաջանովի մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր