Լիոնում ՀՀ գլխավոր հյուպատոս Նարինե Նիկոլյանը մասնակցել է Լիոնի Մետրոպոլիայի միջազգային ոլորտի դերակատարների առաջին հանդիպմանը

16 ապրիլի, 2025

Ապրիլի 16-ին, Լիոնում ՀՀ գլխավոր հյուպատոս Նարինե Նիկոլյանը մասնակցել է Լիոնի Մետրոպոլիայի միջազգային ոլորտի դերակատարների առաջին հանդիպմանը, որին ներկա էր 130 մասնակից։

Մետրոպոլիայի՝ Եվրոպական, միջազգային համագործակցության և տուրիզմի հարցերով պատասխանատու փոխնախագահ Էլեն Դյուվիվիեի նախագահությամբ այս ուշագրավ հանդիպման ընթացքում քննարկվել են Լիոնի Մետրոպոլիայի միջազգային համագործակցությունների դինամիկան ու հեռանկարները։

Գլխավոր հյուպատոսը խոսել է Երևանի և Մետրոպոլիայի միջև՝ հանդիպումից երկու օր առաջ վերահաստատված համագործակցության մասին, ինչպես նաև անդրադարձել է Հայաստանի և նրա ժողովրդի համար հայ-ֆրանսիական ապակենտրոնացված համագործակցության դերին և կարևորությանը՝ հաշվի առնելով Հարավային Կովկասի տարածաշրջանում առկա իրավիճակը։ Նա շնորհակալություն է հայտնել Մետրոպոլիայի ընտրված ներկայացուցիչներին, ծառայություններին և տեղական դերակատարներին՝ Հայաստանի հետ չընդհատվող համագործակցության համար, և տեղեկացրել է 2025 թվականի հունիսի 2-3-ին Հայաստանում կայանալիք հայ-ֆրանսիական ապակենտրոնացված համագործակցության 5-րդ համաժողովի մասին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր