Հայաստանում Ֆրանսիական համալսարանի ուսանողները հյուրընկալվել են Լիոնում Հայաստանի գլխավոր հյուպատոսությունում

18 ապրիլի, 2025

Ապրիլի 18-ին, Լիոնում Հայաստանի գլխավոր հյուպատոս Նարինե Նիկոլյանը և փոխհյուպատոս Կարինե Վարդանյանը Գլխավոր հյուպատոսությունում հյուրընկալել են Հայաստանում Ֆրանսիական համալսարանի՝ Լիոնի մետրոպոլիայի տարածքում ուսումնական պրակտիկա անցնող ուսանողներին՝ Հայկական բարեգործական ընդհանուր միության Լիոնի մասնաճյուղի նախագահ Տաթև Սեդրակյանի ուղեկցությամբ:

Գլխավոր հյուրապոսն ու փոխհյուպատոսը ուսանողներին ծանոթացրել են գլխավոր հյուպատոսության աշխատանքային ուղղություններին, պատմել են հայ-ֆրանսիական հարաբերությունների, Օվերնյ-Ռոն-Ալպ ռեգիոնի, Լիոն քաղաքի, Լիոնի մետրոպոլիայի և ռեգիոնի այլ քաղաքների հետ Հայաստանի ապակենտրոնացված համագործակցության, գլխավոր հյուպատոսության կողմից մատուցվող հյուպատոսական ծառայությունների մասին, զրուցել են ուսանողների ապագա ծրագրերի շուրջ:

2024 թվականից սկսած համալսարանի մեկ ուսանող իր ուսումնական պրակտիկան անցկացնում է Լիոնում Հայաստանի գլխավոր հյուպատոսությունում:

Ի տեղեկություն.

Հայաստանում Ֆրանսիական համալսարանի ուսանողների Լիոնի մետրոպոլիայի տարածքում ուսումնական պրակտիկան կազմակերպում և համակարգում է Հայկական բարեգործական ընդհանուր միության Լիոնի մասնաճյուղը՝ Օվերն-Ռոն-Ալպ ռեգիոնի, Լիոնի Մետրոպոլիայի, Լիոն քաղաքի և Բյուլուկյան հիմնադրամի ֆինանսական աջակցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր