ՀԱՅՈՑ ՑԵՂԱՍՊԱՆՈՒԹՅԱՆ 110-ՐԴ ՏԱՐԵԼԻՑԻՆ ՆՎԻՐՎԱԾ ԱՐԱՐՈՂՈՒԹՅՈՒՆ ԼԻՈՆ ՔԱՂԱՔՈՒՄ

24 ապրիլի, 2025

Ապրիլի 24-ին՝ Ֆրանսիայի Օվերն-Ռոն-Ալպ ռեգիոնում Հայոց ցեղասպանության ոգեկոչման միջոցառումների շրջանակում, Լիոնում Հայաստանի գլխավոր հյուպատոս Նարինե Նիկոլյանը մասնակցեց Լիոն քաղաքում Հայոց ցեղասպանության 110-րդ տարելիցին նվիրված արարողությանը։

Հայոց ցեղասպանության զոհերի հիշատակը հավերժացնող՝ Լիոնի կենտրոնական հրապարակում գտնվող հուշարձանի առջև տեղի ունեցած ոգեկոչման միջոցառումը մեկնարկեց ծաղկեպսակների խոնարհման արարողությամբ: Ծաղկեպսակներ զետեղեցին Լիոնի քաղաքապետ Գրեգորի Դուսեն, Լիոնի մետրոպոլիայի փոխնախագահ Զեմորդա Խոլիֆին, Ռոնի դեպարտամենտի անունից՝ դեպարտամենտի խորհրդի անդամ Ժան-Ժակ Բրունը, Օվերն-Ռոն-Ալպ շրջանի խորհրդի անունից՝ ՕՌԱ-ի խորհրդի անդամ Պիեր Օլիվերը, Օվերն-Ռոն-Ալպ ռեգիոնի պրեֆեի անունից՝ ենթապրեֆեկտ Էմանուել Դարմոնը, Լիոնում Հայաստանի գլխավոր հյուպատոս Նարինե Նիկոլյանը, Դեսինի քաղաքապետի անունից՝ փոխքաղաքապետ Դընի Ջորկաեֆը, Կալուիր-է-Կուիր քաղաքի ներկայացուցիչը, Ֆրանսահայ կազմակերպությունների համակարգող խորհրդի կենտրոն մասնաճյուղի նախագահ Րաֆֆի Տանզիլին, ՕՌԱ-ի ռեգիոնի հրեական կազմակերպության (LICRA) և Ռուանդայի ցեղասպանության հարցերով ընկերության (IBUKA) նախագահները, հայկական երեք եկեղեցիների հոգևորականները, Դեսինի Հայկական հիշողության ազգային կենտրոնի նախագահը: Արարողությանը ներկա էին Լիոնում գործող հյուպատոսական կորպուսի ներկայացուցիչներ:

Ելույթներով հանդես եկան Լիոնի քաղաքապետ Գրեգորի Դուսեն, Լիոնի մետրոպոլիայի փոխնախագահ Զեմորդա Խոլիֆին, Ֆրանսահայ կազմակերպությունների համակարգող խորհրդի կենտրոն մասնաճյուղի նախագահ Րաֆֆի Տանզիլին:

Հայտարարվեց լռության րոպե։ Հնչեցին Հայաստանի Հանրապետության և Ֆրանսիայի Հանրապետության օրհներգերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր