ՀԱՅՈՑ ՑԵՂԱՍՊԱՆՈՒԹՅԱՆ 110-ՐԴ ՏԱՐԵԼԻՑԻՆ ՆՎԻՐՎԱԾ ԱՐԱՐՈՂՈՒԹՅՈՒՆ ՄԵՅԶԻՈ ՔԱՂԱՔՈՒՄ

26 ապրիլի, 2025

Ապրիլի 26-ին՝ Ֆրանսիայի Օվերն-Ռոն-Ալպ ռեգիոնում Հայոց ցեղասպանության ոգեկոչման միջոցառումների շրջանակում, Լիոնում Հայաստանի գլխավոր հյուպատոս Նարինե Նիկոլյանը մասնակցեց Լիոնի մերձակա Մեյզիո քաղաքում Հայոց ցեղասպանության 110-րդ տարելիցին նվիրված արարողությանը։

Հայոց ցեղասպանության զոհերի հիշատակը հավերժացնող հուշահամալիրի առջև տեղի ունեցած ոգեկոչման միջոցառումը մեկնարկեց Դեսինի հայկական եկեղեցու քահանա Տեր Շահե Նազարեանի կողմից հնչեցված ոգեկոչման աղոթքով։ Հուշարձանի առջև ծաղկեպսակներ խոնարհեցին Լիոնում Հայաստանի գլխավոր հյուպատոս Նարինե Նիկոլյանը, Մեյզիոյի քաղաքապետի տեղակալներ Օդետ Գարբրեխտը և Ժերար Ռեվելենը, Ֆրանսահայ կազմակերպությունների համակարգող խորհրդի կենտրոնի մասնաճյուղը, Մեյզիոյի հայկական միությունը, Ֆրանսահայ կապույտ խաչ կազմակերպությունը:

Ելույթներով հանդես եկան Լիոնում Հայաստանի գլխավոր հյուպատոսը, Մեյզիոյի փոխքաղաքապետերը, համայնքային կառույցների և միությունների ներկայացուցիչները: Միջոցառմանը ներկա էին Լիոնի մետրոպոլիայի քաղաքների քաղաքային խորհուրդների անդամներ, համայնքային կառույցների ներկայացուցիչներ, ֆրանսահայեր:

Հայտարարվեց լռության րոպե, հնչեցին Հայաստանի Հանրապետության և Ֆրանսիայի Հանրապետության օրհներգերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր