Լիոնում Հայաստանի գլխավոր հյուպատոսն ընդունել է Անի Խաչատուրյանին

05 մայիսի, 2025

Մայիսի 5-ին, Լիոնում Հայաստանի գլխավոր հյուպատոսն ընդունել է Օվերն-Ռոն-Ալպ ռեգիոնի 7 քաղաքների և Սյունիքի մարզի 7 խոշորացված համայնքների միջև ապակենտրոնացված համագործակցության հարցով նորանշանակ համակարգող Անի Խաչատուրյանին: Մտքեր են փոխանակվել համագործակցության ապագա ծրագրերի շուրջ:

Տեղեկացում. ՕՌԱ-Սյունիք համագործակցության առավել ամրապնդման և խորացման նպատակով, ռեգիոնը նախաձեռնել է «Մեկ քաղաք՝ մեկ համագործակցություն» ծրագիրը, որի արդյունքում 2024թ. նոյեմբերի 21-ին Լիոնում համագործակցության պայմանագրեր են ստորագրել Վիենն-Գորիս, Մոնտելիմար-Սիսիան, Սեն-Շամոն-Քաջարան, Բրոն-Մեղրի, Պույ-ան-Վըլե-Տաթև, Մորնան-Տեղ համայնքները: Ավելի վաղ պայմանագիր են ստորագրել նաև Սենտ-Էթիեն և Քաջարան համայնքները: Համագործակցության ոլորտներն են՝ ֆրանսերեն լեզվի ուսուցումը և ֆրանկոֆոնիայի տարածումը, կրթության, երիտասարդության ոլորտում փոխանակումները, ներառյալ մասնագիտական կրթությունը, տնտեսական զարգացումը, մասնավորապես գյուղատնտեսության ոլորտում, փոխանակումները կայուն զբոսաշրջության զարգացման շրջանակներում, ինստիտուցիոնալ, ասոցիատիվ և մշակութային փոխանակումները, առողջապահության ոլորտում փոխանակումները, ներառյալ խնամքի հասանելիության բարելավումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր