Հայաստանում ֆրանսիական համալսարանի ուսանողների ուսումնական պրակտիկայի ավարտական երեկո Լիոնում

07 մայիսի, 2025

Մայիսի 7-ին Հայկական բարեգործական ընդհանուր միության Լիոնի գրասենյակում տեղի է ունեցել Հայաստանում ֆրանսիական համալսարանի ուսանողների 2025թ. ուսումնական պրակտիկայի ավարտական երեկոն, որին ներկա էին համալսարանի ռեկտոր Սալվա Նակուզին, Լիոնում Հայաստանի գլխավոր հյուպատոս Նարինե Նիկոլյանը և փոխհյուպատոս Կարինե Վարդանյանը, շրջանային և տեղական ընտրովի մարմինների, Օվերն-Ռոն-Ալպ ռեգիոնի, Լիոնի մետրոպոլիայի և Լիոն քաղաքի, Բյուլուկյան հիմնադրամի, Ժան Մուլեն Լիոն 3 համալսարանի, ուսանողներին հյուրընկալած ընկերությունների ներկայացուցիչները և պրակտիկայի հովանավորները:

Ելույթներով հանդես են եկել Հայաստանում ֆրանսիական համալսարանի ռեկտորը, Ժան Մուլեն Լիոն 3 համալսարանի ներկայացուցիչը և Լիոնում Հայաստանի գլխավոր հյուպատոսը:

Հայաստանում ֆրանսիական համալսարանի մեկ ուսանող 2025թ. իր ուսումնական պրակտիկան անցկացրել է Լիոնում Հայաստանի գլխավոր հյուպատոությունում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր