Լիոնում Հայաստանի գլխավոր հյուպատոսը մասնակցել է Օվերն-Ռոն-Ալպ ռեգիոնի ղեկավարների հետ Լիոնի հյուպատոսական հիմնարկների ղեկավարների հանդիպմանը

26 փետրվարի, 2026

ՕՌԱ ռեգիոնի նախագահ Ֆաբրիս Պանկուկը և միջազգային հարաբերությունների գծով փոխնախագահ Ֆիլիպ Մյոնիեն փետրվարի 26-ին բացեցին այս ամենամյա միջոցառումը, որը խորհրդանշում է ռեգիոնի և իր տարածքում գտնվող դիվանագիտական առաքելությունների միջև հարաբերությունների որակն ու ամրությունը։

Միջոցառմանը մասնակցեցին հյուպատոսական կորպուսի մոտ հիսուն անդամներ՝ գլխավոր հյուպատոսներ և պատվավոր հյուպատոսներ։ Ներկա էին նաև ռեգիոնի զարգացման գործակալությունների՝ «Օվերն-Ռոն-Ալպ Entreprises»-ի և «Օվերն-Ռոն-Ալպ Տուրիզմ»-ի ներկայացուցիչները։

Իրենց ելույթներում Ֆիլիպ Մյոնիեն և նախագահ Ֆաբրիս Պանկուկն ընդգծեցին հյուպատոսական կորպուսի էական դերը ռեգիոնի միջազգային հարաբերությունների խթանման գործում։

Երեկոյի ընթացքում, Հայաստանի գլխավոր հյուպատոսը կարճատև զրույցներ է ունեցել ռեգիոնի նախագահի և փոխնախագահի, ինչպես նաև միջազգային կապերի պատասխանատուների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր