Գլխավոր հյուպատոսը մասնակցել է Լիոն 3 համալսարանի շրջանավարտների միության տարեկան համաժողովին

28 մարտի, 2026

Մարտի 28-ին Լիոնում Հայաստանի գլխավոր հյուպատոսը, պատվավոր հյուրի կարգավիճակով, մասնակցել է Ժան Մուլեն Լիոն 3 համալսարանի միջազգային հարաբերությունների ֆակուլտետի մաստեր 1 և 2 դիպլոմների ուսանողների և շրջանավարտների միության տարեկան համաժողովին՝ միության նախագահ Շարլ Նիգողոսյանին հրավերով: ԳՀ առաջարկով, երեկոյին հրավիրվել են նաև Հայաստանի ֆրանսիական համալսարանի՝ Լիոնի մետրոպոլիայում ուսումնական պրակտիկա անցնող մեկ տասնյակից ավել ուսանողները և համալսարանի զարգացման և համագործակցության հարցերով տնօրեն Ասյա Մովսիսյանը:

Գլխավոր հյուպատոսը կարճ զրույցներ է ունեցել ՕՌԱ ռեգիոնի խորհրդի անդամ Իզաբել Ռամեի և Լիոնի ռազմական պարետ, բանակային կորպուսի գեներալ Ալեն Լարդեի հետ, համապատասխանաբար անդրադառնալով ռեգիոնի հետ և պաշտպանական բնագավառում Ֆրանսիայի հետ Հայաստանի համագործակցությանը:
Գլխավոր հյուպատոսը հանդես է եկել ելույթով՝ խոսելով Ժան Մուլեն Լիոն 3 համալսարանի և Հայաստանի ֆրանսիական համալսարանի համագործակցության, արժեքների ընդհանրության վրա հիմնված Հայաստան-Ֆրանսիա հարաբերությունների, ՕՌԱ ռեգիոնի, Լիոնի մետրոպոլիայի, Լիոն քաղաքի և ռեգիոնի ևս 20-ից ավել քաղաքների հետ ապակենտրոնացված մակարդակով համագործակցության մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր