Հայոց ցեղասպանության զոհերի հիշատակի 111-րդ տարելիցին նվիրված ոգեկոչման արարողություններ Օվերն-Ռոն-Ալպ և Նոր-Աքվիտանիա ռեգիոններում

26 ապրիլի, 2026

Հայոց ցեղասպանության զոհերի հիշատակի 111-րդ տարելիցին նվիրված ոգեկոչման արարողություններ են տեղի ունեցել Օվերն-Ռոն-Ալպ և Նոր-Աքվիտանիա ռեգիոնների բազմաթիվ քաղաքներում, մասնավորապես՝ Լիոն, Վիլյորբան, Սեն-Շամոն, Սենտ-Էթիեն, Բրոն, Մոնբրիզոն, Վո-ան-Վըլեն, Վիեն, Վալանս, Բուրգ-լե-Վալանս, Գրենոբլ, Մեյզիո, Դեսին-Շարպիո, Պրիվա, Կլերմոն-Ֆերան, Ռիլիո-լա-Պապ, Պո, Բորդո, Բիարից, Մոն-դը-Մարսան, Բրիե-է-Անգոն և այլն:

Հայկական եկեղեցիներում տեղի են ունեցել հիշատակի ոգեկոչման արարողություններ:

Լիոնում Հայաստանի գլխավոր հյուպատոսությունը մասնակցել է Լիոնի, Վիլյորբանի, Վո-ան-Վըլենի, Մեյզիոյի և Դեսին-Շարպիոյի միջոցառումներին, որոնց ընթացքում գլխավոր հյուպատոսության անունից Հայոց ցեղասպանության զոհերի հիշատակը հավերժացող հուշակոթողների մոտ զետեղվել են ծաղկեպսակներ:

Գլխավոր հյուպատոս Նարինե Նիկոլյանը ելույթներով հանդես է եկել Վիլյորբանի, Մեյզիոյի և Դեսին-Շարպիոյի արարողություններին: Վո-ան-Վըլենի արարողությանը մասնակցել և ելույթով հանդես է եկել հյուպատոս Լևոն Դավթյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր