Հայաստանի գլխավոր հյուպատոսը և հյուպատոսը մասնակցել են ՀՖՀ 2026թ. ուսումնական պրակտիկայի ավարտի միջոցառումներին

12 մայիսի, 2026

Գլխավոր հյուպատոս Նարինե Նիկոլյանը և գլխավոր հյուպատոսության հյուպատոս Լևոն Դավթյանը մասնակցել են է Հայաստանի ֆրանսիական համալսարանի (ՀՖՀ) 2026թ. ուսումնական պրակտիկայի ծրագրի ավարտի առթիվ կազմակերպված միջոցառումներին։

Գլխավոր հյուպատոսությունը երրորդ տարին անընդմեջ ընդունել է ՀՖՀ-ի երկու ուսանողի և զգալի աջակցություն է ցուցաբերել համալսարանին՝ նոր գործընկերների որոնման գործում, մասնավորապես՝ Հայաստանի համայնքների հետ համագործակցության կապեր ունեցող քաղաքների շրջանում։

Իր ելույթներում, գլխավոր հյուպատոսը շնորհավորել է ՀՖՀ-ի ռեկտոր տիկին Սալվա Նակուզիին, ինչպես նաև ՀՖՀ-ի պատմական գործընկեր Ժան Մուլեն Լիոն 3 համալսարանին՝ ծրագրի հաջող իրականացման կապակցությամբ։ Նա երախտագիտություն է հայտնել ներգրավված հովանավորներին և գործընկերներին, որոնց շնորհիվ Օվերն-Ռոն-Ալպ ռեգիոնում հնարավոր է եղել կազմակերպել ավելի քան հիսուն ուսումնական պրակտիկա՝ սահմանելով նոր ռեկորդ։

Առանձնահատուկ շնորհակալություն է հայտվել Օվերն-Ռոն-Ալպ ռեգիոնին, Լիոնի մետրոպոլիային, ինչպես նաև Օվերն-Ռոն-Ալպ–Սյունիք քույր քաղաքների ցանցի անդամ քաղաքներին՝ Վիեննին՝ ցանցում իր առաջատար դերի համար, Բրոնին, Լը Պույ-ան-Վըլեին, Մոնտելիմարին, Մորնանին և Սեն-Շամոնին, ինչպես նաև Վալանս քաղաքին՝ այս տարվա իր բացառիկ ներգրավվածության համար, նաև՝ Լիոն, Մեյզիյո, Վիլյուրբան, Պրիվա, Ռոման-սյուր-Իզեր և Դեսին-Շարպիե քաղաքներին։ Շնորհակալություն նշված տեղական մարմինների պատասխանատուներին, ընտրված և վարչական պաշտոնյաներին, Բյուլուկյան հիմնադրամին, Լիոնի ՀԲԸՄ-ին, նշված քաղաքներում գործող հայկական միություններին, ինչպես նաև բոլոր գործընկեր հաստատություններին և ընկերություններին։

Մայիսի 12-ին, ՀՖՀ ուսանողների պրակտիկայի ծրագրի եզրափակիչ միջոցառումը հյուրընկալել է Օվերն-Ռոն-Ալպ ռեգիոնը՝ Լիոնի իր կենտրոնակայանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր