Հայաստանի գլխավոր հյուպատոսը մասնակցել է միջհամալսարական հանդիպմանը

22 մայիսի, 2026

Մայիսի 22-ին Լիոնի Քաղաքաշինության գործակալությունը հյուրընկալել էր Հայաստանի Ազգային ճարտարապետության և շինարարության համալսարանի հայ ուսանողներին, ինչպես նաև Լիոնի Բարձրագույն ազգային ճարտարապետական դպրոցի ֆրանսիացի ուսանողներին, ովքեր 2025թ. հոկտեմբերին Երևանում կազմակերպված միջազգային համալսարանական աշխատարանի շրջանակում, համատեղ աշխատել էին՝ «Ֆրանս-հայկական մասնագիտական ուսումնական կենտրոնի թաղամասի քաղաքային վերաձևավորում» նախագծի վրա։

Հանդիպման ընթացքում ուսանողները ներկայացրեցին աշխատանքի արդյունքում մշակված առաջարկները՝ իրենց դասախոսների, Լիոնի Քաղաքաշինության գործակալության, Լիոնի մետրոպոլիայի և Օվերն-Ռոն-Ալպ ռեգիոնի ներկայացուցիչների ներկայությամբ։

Ուսումնասիրությունն իրականացվել է Երևանի, Լիոնի և Լիոնի մետրոպոլիայի միջև 2025թ. ապրիլի 14-ին Լիոնում ստորագրված համագործակցության համաձայնագրի շրջանակում։

Լիոնում Հայաստանի գլխավոր հյուպատոս Նարինե Նիկոլյանն ընդգծել է միջհամալսարանական համագործակցության կարևորությունը Լիոնի մետրոպոլիայի և Երևանի միջև գործընկերության շրջանակում՝ վերահաստատելով իր աջակցությունը տարբեր ոլորտներում համագործակցության զարգացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր