Լիոնում Հայաստանի Գլխավոր հյուպատոսը հյուրընկալվել է Ռոթարի ակումբում

12 հուլիսի, 2026

Հունիսի 12-ին, Լիոնում Հայաստանի գլխավոր հյուպատոս Նարինե Նիկոլյանը հյուրընկալվել է Լիոնի հյուսիսային շրջանի Ռոթարի ակումբում՝ որպես պատվավոր հյուր և հիմնական բանախոս։ Գլխավոր հյուպատոսը հրավերը ստացել է ակումբի նախագահ, Լիոնում Գերմանիայի նախկին գլխավոր հյուպատոս Մաքս Մալդակերից:

Գլխավոր հյուպատոսը հանդես է եկել «Հայաստանը՝ երեկ և այսօր» թեմայով ելույթով՝ ներկայացնելով Հայաստանի ոչ վաղ անցյալի պատմությունը, անկախության տարիների և ներկա մարտահրավերները, արտաքին քաղաքականությունը, տնտեսության զարգացման գերակայությունները, ենթակառուցվածքային ծրագրերը, Ֆրանսիա-Հայաստան հարաբերությունները, ներառյալ ապակենտրոնացված մակարդակով համագործակցությունը, Օվերն-Ռոն-Ալպ-Հայաստան ծրագրերը: Ելույթի ավարտին, ԳՀ-ը պատասխանել է ներկաների հարցերին՝ հարևանների և Ռուսաստանի հետ հարաբերությունների, Եվրոպական Միություն-Հայաստան գործընթացների, Հայաստանի մշակութային կյանքի, գինու մշակույթի զարգացման, Ֆրանսիայում բնակվող հայերի մասին:

Ներկաներին տրամադրվել են զբոսաշրջային բնույթի բրոշյուրներ, առաջարկվել է Ararat Apricot բրենդիի համտեսում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր